Category: TV

Netflix – rrjeti më i njohur VOD tani më është i qasshëm në nivel global, për të gjithë, përfshirë edhe neve kosovarëve të cilët plasmi kur nuk na lejon të shohim një video të thjeshtë në YouTube.

Besoj që shumica kanë dëgjuar për Netflix, që është një popcorn time legal, një Facebook i social mediave në VOD, apo një google e makinave kërkuese, porse për VOD. VOD – video on demand, që do të thotë se mund të shihni çka t’doni, kur t’doni, ku t’doni. Nëse mbeteni në minutën 3:43 të episodit të 12 të sezonit të pestë të Friends, mund të ktheheni pas disa muajve dhe të vazhdoni në atë pozitë ku keni mbetur.

Tashti, oferta e Netflix ka ndryshuar varësisht prej lokacioneve, ama në shikim të parë nuk po duket shumë e varfër për neve në Kosovë. Sigurisht që është më e mirë se iTunes e Google Play Store.

Së pari në dispozicion janë të gjitha serialet që prodhon vet Netflix – Narcos, Jessica Jones, Daredevil, Orange is the New Black, Daredevil, Sense 8, Marco Polo, (duket se mungon House of Cards). Pastaj janë disa nga serialet më të popullarizuara për momentin si Better Call Saul, How to Get Away with Murder, Brooklyn Nine-Nine, The Blacklist, Peaky Blinders, Arrow, Suits, Bates Motel, Ray Donovan, The Originals, Pretty Little Liars, etj. Spartacus, Under The Dome, Breaking Bad, si dhe favoriti në mesin tonë That ‘70s Show, që kanë përfunduar janë në ofertën që vlen edhe për neve këtu në Kosovë.

Hiq më keq nuk ishte as oferta e filmave me tituj që janë shpërblyer me Oskar – Gravity, The Dark Knight, Lord of The Rings, Argo, Shrek, Good Will Hunting, La Vita e Bella, Forrest Gump, Inception, Goodfellas, Godfather, Saving Private Ryan, Roman Holiday, To Kill a Mockingbird, Casablanca, Gone with the Wind, e shumë tjerë.

Ka edhe shumë stand-up shfaqje, dhe prodhime dokumentarësh – kryesisht nga Netflix e PBS, por edhe seriale e filma tjerë.

Megjithatë, Netflix nuk ofron gjithçka. Do të ju nevojitet ndoshta akoma VPN për të kaluar në vende tjera, për të shijuar tituj tjerë. Gjithashtu edhe një problem tjetër mbetet problemi i pagesës pasi procedurat për kartela krediti, e Paypal janë mjaft të komplikuara këtu tek ne. Gjithashtu nuk ka titra.

Por, ardhja e Netflix (jo vetëm tek ne), shërben si një ‘heqje vizash’ për neve që shohim seriale e filma. Është një hap larg ‘the content isn’t available in your country’, është një hap larg izolimit. Nuk është kushedi çka, dhe nuk ka ndodh veç për neve, ama thjesht, për dikë që ka vuajtur për të kaluar në legalitet, është një frymëmarrje më e lehtë.

Shpresojmë që të jetë hapi i parë në këtë vit që më në fund do të çlirohemi nga ky izolim sa fizik, aq edhe digjital.

Read Full Article

Vjeshtën e kaluar, pas krijimit të MMA – grupacion i ngushtë i maniakëve të pasionuar për filmin, ishte krijuar edhe TVMA. Për dallim nga e para, kjo e dyta përfshin 13 persona nga maniakë të serialeve. Këta së bashku kanë dhënë të preferuarit e tyre nga të nominuarit për shpërblimet më të mëdha në botën e televizionit Emmy. Shija e tyre ka qenë jashtëzakonisht e ndryshme, por asnjë kategori nuk ka qenë e pacaktuar, përkundër ngushtësisë shpesh edhe minimale në vota.

Komedia më e mirë është zgjedhur Modern Family, derisa aktorët më të mirë në rolet kryesore në komedi Will Forte e Amy Poehler. Edhe në dramë të tri kategoritë kryesore kanë shkuar për seriale të ndryshme – ‘Game of Thrones’ drama më e mirë, Kevin Spacey aktori më i mirë dhe Claire Danes aktorja më e mirë. Në rolet dytësore në aktrim, në komedi më të mirët në fund kanë qenë Ty Burrell e Mayim Bialik, derisa në dramë Jonathan Banks dhe Lena Headey.

Talk-show më i mirë është zgjedhur Jimmy Kimmel Live, seria e limituar – American Horror Story, derisa variety-sketch emisioni më i mirë Saturday Night Live.

Të gjithë që kanë votuar janë aktiv tek grupi Maniakë të Serialeve ku postojnë vazhdimisht në lidhje me botën e televizionit.

Read Full Article

Pas përzgjedhjes së më të mirëve në film për vitin e kaluar, Maniakat në bashkëpunim me Telekomandën këtë vit do të përzgjedhin edhe më të mirët në televizionet tona. Grupi Maniakat është bashkë-organizues i sondazhit për kanalet dhe programet më të mira që transmetohen në vendin tonë. Të përfshirë në këtë sondazh janë edhe grupi i veçuar i maniakëve të televizionit të njohur si TVMA. Sondazhi është i hapur deri më datë 20 maj 2015, derisa mund ta plotësoni në uebfaqen tonë direkt, apo edhe duke vizituar bit.ly/TVSondazhi2015

Read Full Article

network-logosJanë 28 seriale të reja që nisin transmetimin këtë sezon në kanalet kombëtare amerikane. Nëse shtojmë edhe serialet që debutojnë në kabllor ky numër arrin në 40.

Por, jo të gjitha janë seriale premtuese dhe që mund të mbijetojnë gjatë në televizionet amerikane. Shikueshmëria, orari i transmetimit, kritikat, e shumë faktorë tjerë ndikojnë në jetëgjatësinë e tyre. Në vazhdim mund të gjeni pesë dramat që më së shumti pritet të bëjnë bujë dhe të dominojnë shikueshmërinë e kritikat gjatë sezonit të ri televiziv

Gotham (Fox) – 22 shtator

Karakteri i preferuar nga bota e DC Comics për mua gjithnjë ka qenë Batman. Ky serial nuk sjell vet historinë e Bruce Wayne, por përqendrohet në vendlindjen e tij, Gothamin, në periudhën e para-Batman.

Sigurisht që nuk do të jetë po aq i suksesshëm sa seritë e filmave të Tim Burton e Christopher Nolan, por tematika e serialit do të jetë një shtesë për të gjithë të fansat e botës së Gotham. Do të kemi të gjithë kriminelët, Pinguinin, Xhokerin, Harvey Kent, Hugo Strange, e shumë tjerë. Dhe kundër këtyre detektivin James Gordon pa ndihmën e Bruce Wayne.

Ben McKenzie (mund ta njihni nga drama policore tepër e mirë Southland) vjen në rolin kryesor. Orari i transmetimit është paksa i vështirë kundrejt The Big Bang Theory, The Voice, e Dancing with the Stars, por qyshdoqoftë, ‘Gotham’ është sukses i garantuar.

 

How to Get Away with Murder (ABC) – 25 shtator

Shonda Rhimes sjell edhe një serial të prirë për të qenë i suksesshëm. Dhe kur kemi dikë si Viola Davis në rolin kryesor, atëherë shihet sa perfektë mund të jetë treshja e të enjteve të Shondas në ABC me heroinat Ellen Pompeo, Kerry Washington, e Viola Davis. Do të jetë një kombinim i mirë për të gjithë ata që përcjellin ‘Grey’s Anatomy’ dhe ‘Scandal’.

Tematika e serialit bazohet në një profesoreshë universiteti e cila me studentët e tyre ndërlidhet në një krim të planifikuar, me planin për të ikur pa u zënë. Pra, tematika premton mister që me përzierjen e dramës legale mund të jetë një alternativë e preferuar të enjteve në ora 10 kur përballet me ‘Elementary’ (inferior ndaj super-serisë së BBC-së, ‘Sherlock’) dhe ‘Parenthood’ që definitivisht hyn në sezonin e fundit.

Forever (ABC) – 23 shtator

Dr. Henry Morgan është një ekspert autopsie në Nju Jork. Ai ka një aftësi të mbinatyrshme – është i pavdekshëm. Sa herë që ndeshet me vdekjen, ai ringjallet në vende të çuditshme. Sekreti i tij është i ndarë me një rreth shumë të ngushtë njerëzish, por kjo është afër përshkallëzimit.

Është tematikë interesante dhe pilot episodi ka qenë mirë i realizuar. Ndihmë të madhe tematikës mund ti ofroj aftësia e karakterit kryesor të udhëtoj nëpër periudha të ndryshme historike, gjë që mësuam nga episodi i parë. Por, shkon në program në orarin që nuk ka mbijetuar asnjë serial viteve të fundit, të martave në ora 10 në ABC. Ka përballë dramën shumë të preferuar për mua ‘Person of Interest’, dhe ‘Chicago Fire’. Gjasat e vogla për të mbijetuar një kohë të gjatë. Ioan Gruffudd (Mr. Fantastic nga ‘Fantastic Four’) vjen në rolin kryesor.

The Flash (CW) – (7 tetor)

Një nga karakteret më të përfolura të DC Comics vjen në CW. Dhe tani aty ka mikun nga universi i tij, karakterin e Arrow. Botët e këtyre dy karaktereve ndërlidhen qysh në pilot episod, dhe është një çast vërtetë emocional për fansat e këtij universi.

Meqë të dy karakteret janë në të njëjtin kanal, nuk përjashtohen ndërlidhje të kohëpaskohshme që do të ishte një bonus për të gjithë.

Bota e The Flash duket më pak e errët se sa Arrow, ka një nuancë më të ngjyrosur dhe më të lumtur. Nuk ka mistere dhe dihet kush është miku e kush armiku.

Pa marrë parasysh orarin e transmetimit (të martave në 8 kundrejt NCIS dhe The Voice) ky serial është i garantuar për sukses, nëse trashëgon sado pak nga ‘Arrow.

State of Affairs (NBC) – 17 nëntor

Katherine Heigl rikthehet në televizion. Ajo do të jetë në rolin kryesor në dramën ‘State of Affairs’, si analstie e CIA-s e cila është e ngarkuar me përmbledhjen e informatave të sigurisë për presidentin. Ky triler politik, me ngjyrime spiunazhi ka një sukses të garantuar pasi që transmetohet në pushimin e ‘The Blacklist’ dhe pas ‘The Voice’.

Seriali ngjan të jetë sikur një lloj Olivia Pope, por kësaj radhe në role më të ndryshme. Besoj që do të jetë shumë më mirë se filmat që ka realizuar Heigl pas largimit nga ‘Grey’s’, si ‘Killers’, ‘One for the Money’, etj.

Alternativat…

Ia vlen të përmendim edhe ‘Constantine’ që për shijen time është shumë i errët, por s’dyshoj që do të ketë shikueshmëri të madhe tek ata që ju pëlqejnë tema si demonët, ekzorcizmi e të ngjashme.

Gjithashtu alternativë e mirë është ‘Agent Carter’. Edhe një karakter i Marvel vjen në televizion, dhe kësaj radhe në vend të ‘Marvel’s Agents of S.H.I.E.L.D.’ që ka vuajtur në joshjen e shikueshmërisë të favorshme gjatë sezoni të kaluar. Pos Hayle Atwell në rolin e Peggy Carter, ka edhe emra të njohur për neve si Chad Michael Murray (One Tree Hill), e Enver Gjokaj (Dollhouse). Ky serial nis në janar.

Luan Morina
Kritik për TV&Film

Read Full Article