Author: Kushtrim Krasniqi

Bazuar në librin me të njejtin emër “The Alienist” e që njëherit është edhe njëri ndër librat më të shitur të autorit Celeb Carr, Netflix na sjell një tjetër kryevepër.

Sezona e parë ishte shumë e bukur, mu duk një vepër e ngjashme me Mindhunter nga Fincher, me disa elemente të “huazuara” nga Jack the ripper.

Seriali ka një fotografi tepër të bukur dhe aktrim brilant nga kasti me emrat si i madhi Daniel Bryl, Luke Evans, Dakota Fanning e Brian Geraghty. Regjia më ka lënë një shije shumë të mirë në serial, në fakt puna e bukur e regjisorit Jakob Verbruggen (deri sot emër i panjohur për mua, e siç duket paska qenë edhe casting director i filmit tim të preferuar In Bruges) mendoj që e shpëton serialin nga klishet e mundura.

Skenari është bukur i ndërtuar dhe shtjelluar në këtë vepër, siç e ceka më lart m’u duk si një version i Mindhunter i vendosur në shekullin e 19-të dhe i ndikuar nga masakrat e famëkeqit Jack the Ripper. Elementet që i kisha veçuar në këtë vepër janë: përpjekja e një psikiatri për ta hulumtuar mendjen e kriminelëve më të rëndë dhe për t’kuptuar motivet se çka i shtyen ata të bëjnë krime të rënda. Lufta e një shefi të policisë kundër korrupsionit dhe mizoritë e shkaktuara nga shtresa e lartë e shoqërisë e cila po ndërton “të ardhmen” dhe civilizimin e shoqërisë perendimore mbi kurrizin e shtresave tjera të ulta, si dhe keqtrajtimi dhe përbuzja e imigrantëve në vend. Pastaj e shohim edhe përpjekjen e një sekretare e policisë, e para në vend, e cila përballet me një mentalitet patriaral të kohës e që me çdo forcë që posedon në qenjën mundohet t’i tregoj shoqërisë që gruaja nuk është vetëm një fabrikë bebesh, kujdestare e shtëpisë dhe qenie e butë dhe e thyeshme.

Edhe pse këto elemente për mendimin tim plot klishe, me regji të bukur, aktrim mbresëlënës dhe shtjellim poashtu të denjë të skenarit, regjisori ka bërë punë të bukur në menjanimin e tyre. Përfundimisht The Alienist është një vepër që duhet shikuar.
https://www.imdb.com/title/tt4604612/

Read Full Article

Hollywoodi, ky emri gjigand që e njohim të gjithë. Piedestali i çdo filmi, ylli i pashuar i çdo artisti, ëndrra madhështore e çdo regjisori, ndoshta edhe ëndrra më prestigjioze i çdo njeriu që pretendon të futet në këtë botë të larmishme emocionesh, në këtë botë ku suksesi dhe fama do të derdhen e do të bëhen një për ta amshuar artistin. Për ta ngritur atë në qiellin e shtatë.

 
E kush mund ta bëjë këtë tjetër, përpos këtij kolosi që nuk i njeh kufijtë e ndaljes, kolos ky, ku derdhen miliona e miliona të ardhura materiale. Një fabrikë e pashtershme dëshirash, ku si shkëmbim kërkon vetëm një gjë, talentin dhe punën e pashtershme.

 
Industria filmike e Hollywoodit është industria më eminente dhe më fitimprurëse e gjithë kinematografisë botërore. Etnogjeneza e saj i kap vitet e hershme. Ia nisë me historinë e filmit, të krijimit të saj ku edhe sot e kësaj dite ka miliona adhurues anembanë globit.
Para vëllezërve ‘Lymier’, babai i Motion Pictures apo të fotografisë në lëvizje ishte Louis Le Prince, ku në vitin 1888 e xhiroi një film të metrazhit të shkurtër deri në 2 sekonda. Me një kamerë prej 12 frema në sekondë. Shfaqja e parë filmike u bë pikërisht nga dy vëllezërit francez, ku në vitin 1895 e shënonin edhe lindjen e një arti të ri për njerëzimin. Ishte shpikje e zbulim gjenial, ku deri në atë kohë as që mund të imagjinohej fare nga mendja e njeriut se si një zbulim epokal i fotografisë, bëri hapin e rradhës deri te zbulimi i lëvizjeve të saj, e që ne sot e quajmë atë ‘film’. Revolucioni audiofonik ishte ai i shpikjes së shiritit ferromagnetik, magnetofonit dhe shpikja e audio stereo që ia dhanë finesat e fundit në përsosmërinë e filmit.
Nuk ishte e lehtë që të arrihej perfeksioni, që ne sot si filmdashës, gëzojmë dhe e shijojmë çdo sekuencë të filmit, ngase u deshën plot 90 vite që kinemaja ta arrinte nivelin e sotëm.

 
Por ku qëndron tani fati i kinematografisë? Çfarë filma po prodhohen sot? Çfarë ndikimi po vazhdon ta ushtrojë Hollywoodi? Mos vallë në këto dekada të fundit bota e filmit po e humbet sensin e vetë si art i vërtetë? Apo çdo rrugë që po lidhet, po na dërgon në një qorrsokak të quajtur komercializëm. Këto janë vetëm disa nga pyejet e shumta, që dita ditës po ia ngacmojnë kërshërinë e çdo kritiku të filmit.

 
Kritikët, pa marrë parasysh rrethanat apo vështirësitë, luajnë rol kyç dhe kanë ndikim të rëndësishëm në atë se si pritet të reagojë audienca, pjesëmarrësit në filma. Sidomos filmat e zhanreve të caktuar. Sipas tyre, filmat e zhanreve horror, aksion dhe komedi nuk e mbajnë epitetin e një filmi të suksesshëm, e ndonjëherë nuk janë edhe pjesë e agjendës së tyre. Ata fokusohen më shumë në subjektin dhe tematikën se çka shpalos filmi në fjalë, regjinë e saj, vlerësimin e punës së skenaristit, producentit, e në raste të shumta nuk është për çudi kur një film i tillë përfundon me një çmim Golden Globe apo edhe Oscar.

 
E ku qëndron tani magjia e gjithë këtij misteri?
Mund të themi se vitet e 90’ dhe 2000’ i kanë kapur majat e suksesit në botën e filmit. Veçanërisht vitet 90’ ku teknologjia e sofistikuar ishte ende në zhvillim e sipër, e nuk shijohej ende qërshia mbi tortë. Por me një bindje të plotë mund të themi se euforia e filmit që ekzistonte para disa dekadave nuk është e njëjtë me atë të viteve të fundit, ngase kanë ndodhur ndryshime rrënjësore.

 
Shembull konkret mund t’i marrim filmat e shumtë që kanë lënë gjurmë të pashlyeshme në memoriet e miliona njerëzve, e që kanë mbetur përgjithmonë në magazinën e kujtesës afatgjate. Filmat që kanë fituar shumë çmime prestigjioze dhe janë pritur mjaft mirë nga masa.

Filmi i Steven Spielberg ‘The Schindler’s List’ (1993, fitues i 7 çmimeve oskar), triologjia ‘Lord Of The Rings’ (plot 11 çmime oskar), ‘Titanic’-u i famshëm i James Cameron po ashtu 11 çmime, ‘Dances With Volves’, ‘The Godfather’, ‘The Shawshank Redemption’ e shumë filma të tjerë që kanë prekur zemrat dhe mendjet e shumë njerëzve anembanë botës, qoftë edhe atyre që nuk kishin njohuri dhe lidhje në artin e filmit.

 

Ndoshta involvimi i furrishëm dhe influence e 3D teknologjisë, ia ka humbur magjinë dhe konceptin domethënës që përçon filmi tek njerëzit. Ndoshta ndikimi i tepërt i teknologjisë e ka komercializuar botën e kinematografisë, apo edhe e ka bërë më të pëlqyeshme, më kreative dhe më tërheqëse për audiencën. Ndoshta çdo film tani e merr kthesën e asaj që gjithë e njohim: ‘thjesht biznes’. Ka shumë pyetje, paqartësi, turbulencë e kërshëri që presin përgjigje kreative.

 
Mirëpo diçka është e sigurtë, filmi është art i bukur. Ta dashurojmë artin, ta dashurojmë filmin, e mbi të gjitha ti dashurojmë njerëzit sepse janë të vetmit gjëra që do e shtyejnë përpara botën dhe racën njerëzore.

 

_____________

Florim Hashani

Read Full Article

Kur një Nju Jorkez, shef ekzekutiv i marketingut fillon të pësojë vuajtje e tragjedi të ndryshme nga jeta, ai dorëzohet tërësisht e heq dorë nga çdo gjë dhe bie në depresion të plotë. Ndërsa miqtë e tij në mënyrë dëshpëruese mundohen të krijojnë relacion me të, derisa ai kërkon përgjigje nga ‘universi’, duke i shkruar letra, Dashurisë, Kohës dhe Vdekjes. Ai asesi nuk e arrin atë që e kërkonte, derisa letrat apo shënimet e tij i sjellin atij disa fakte të papritura personale, dhe fillon të kuptojë se, pikërisht këto konkludime ia japin kuptimin jetës së tij, dhe se edhe humbjet më të thella ndonjëherë mund të shërohen dhe ta kthejnë përsëri bukurinë dhe madhështinë që e kishte jeta.

‘Collateral Beauty’ apo Bukuri Kolaterale, një dramë nga regjisori David Frankel, me skenar të Allan Loeb dhe trupës së mahnitshme të kolegëve që tituan çmimin oskar për filmin Spotlight, vjen para filmdashësve më 16 Dhjetor në prag të krishtlindjeve. Me emra gjigand që luajnë përkrah Smithit do jenë Kate Winslet (fituese e çmimit të Akademisë), Edward Norton (nominues i Akademisë), Keira Knightley (nominuese e Akademisë), Helen Mirren (fituese e çmimit të Akademisë), Michael Pena si dhe Naomie Harris.

499295-will-smith-keira-knightley-collateral-beauty

Will Smith vjen me një performancë tejet mahnitës, ku e portretizon Howard Inlet, drejtorin ekzekutiv të një kompanie të marketingut, një burrë karizmatik, i pashëm dhe i sukseshëm që bie në depresion dhe fillon ta vë në dyshim çdo pyetje që atij i duket absurde, e më pas orvatet që ta kërkojë rrugën e duhur për të dalur nga humnera. I rrethuar nga miqtë dhe kolegët e tij që gjithnjë mundohen ta ndihmojnë dhe nuk e kuptojnë gjendjen e tij, veçanërisht miku i tij i ngushtë Whit Yardshan (Edward Norton) dhe shoqja Claire Wilson (Kate Winslet).

Gjendja e Howardit përkeqësohet edhe më shumë, kur ai illon të mbajë një terapi psikologjike me grupe njerëzish që supozohet të kenë të njëjtën gjendje emocionale. Whit, i përkushtohet plotësisht mikut të tij duke u munduar ti flasë, ta ngushëllojë por ai nuk është aty. Ai humbet në mendime, humbet në kohë dhe për këtë Whit, bie pre e dyshimeve dhe shqetësimeve serioze. Derisa miqtë e tij orvaten ta kuptojnë botën e turbulltë të tij, arrijnë në një përfundim se letrat që i shkruante Howardi nuk i dedikoheshin njerëzve, por gjërave.

E shumë shpejt, situata do merr kahje plotësisht të kundërt dhe kurioze. Gjërat, që miqtë mendonin se ishin gjëra, rezultoi që të ishin njerëz të ndryshëm, që Howardi i takon në situata dhe gjendje të ndryshme emocionale. Ata ishin njerëzit që ndalëngadalë do ta krijonin triomin, Dashuri-Kohë dhe Vdekje.

Një film i zhanrit dramë, që ndoshta do ju ngërthejë në vete, në magjinë dehëse që i shpalos jeta, me gjithë sfidat që i ka dhe që duhen luftuar nga njeriu, si dashuria, koha dhe vdekja, e që janë të lidhura në mënyrë të pazgjidhshme me njëra tjetrën.

Realizuar nga shtëpia filmike New Line Cinema me distributor të Warner Bros Pictures, gjirimet e filmit kanë filluar më 22 shkurt të vitit 2016 dhe janë përmbledhur kryesisht në lokacionet e New York-ut dhe të Manhattan duke përfshirë edhe Queens-in dhe Museun e Artit American. Filmi pritet të lansohet më 16 dhjetor të vitit 2016.

 

Florim K. Hashini

Read Full Article

Kemi patur rastin të shofim shumë filma të cilët i trajtojnë temat si terrorizmi, luftërat moderne, spiunazhi dhe sulmet kibernetike në sisteme dhe databaza të ndjeshme qofshin afariste apo shtetërore. Mirpo, filmi biografik për Edward Snowden nën regjin dhe skenarin e Oliver Stone disi i përfshin të gjitha nga pak, duke e kompletuar një vepër filmike me plot informacione interesante, plot emocione, dhe konsideroj që është nga filmat biografik më afër realitetit.

Shtetet16snowdon-master768 e Bashkuara dhe qeveria e presidentit Obama u shokuan vitin 2013 kur u bën dëshmitar të rrjedhjes së dokumenteve sekrete nga agjencioni i sigurisë shtetërore (NSA) për publikun e gjerë, duke u bërë subjekt i kritikave të shumta nga shtetet botërore, organizata dhe aktivist e analistë të ndryshëm në botë. Në emër të luftës kundër terrorizmit, NSA kishin vendosur që t’i spiunon jo vetëm qytetarët e vendit të tyre, por se spiunazhën do ta zgjeronin në tërë botën. Duke qenë pjesë e programit të tillë, Edward Snowden i shtyer nga ngjarjet e 11 Shtatorit vendos që ta ndihmoj shtetin e tij duke kontribuar në çfarë do mënyre që mundet. Me qenë se ishte i zoti në fushën e teknologjisë informative, vendos që të bëhet pjesë e CIA-së ku do të dizejnonte një program i cili më vonë do t’përdorej për spiunim të pajisjeve elektronike në tërë rruzullin tokësor. Një gjë të tillë Snowden nuk e pranon, pasi që gjykon që ky veprim është cenim i privatësisë së individit. Nga këtu vendos që të dali publikisht kundër organizatës më të fuqishme të spiunazhit në botë, kundër CIA-së dhe NSA-së.

Skenari është ndërtuar shumë bukur dhe i bazuar në librin The Swowden Files nga Luke Harding, libër ky i bazuar kryekëput në biografinë e Snowdenit. Skenari përfshin ngjarjet kryesore nga rekrutimi i tij në organizatat shtetërore të SHBA-ve si dhe më pas loja e tij e mençur për t’u tërhequr dhe për t’marr me vete dokumente të rëndësishme të cilat do ta shokonin botën perendimore, e bën filmin tejet interesant dhe të besueshëm. Loja e Joseph Gordon-Lewit ishte mbreslënëse, personifikimi i tij ishte tepër bindës saqë kishte momente nga kënde të ndryshme që të mbushej mendja që je duke e parë Snowdenin e vërtetë.
Përfundimisht Snowden është projekti tjetër filmik i 2016 i cili e shpëton Hollywood-in nga klishet dhe nga paraliza artistike në botën e kinematografisë.

 

Kushtrim R. Krasniqi

Read Full Article

Të gjithë e njohim atë ndjenjën kur e shohim në fillim të një filmi horror “bazuar në ngjarje të vërtetë”, detaj ky me të cilin skenaristët dhe regjisorët përpiqen të shtyjnë audiencën në kufijtë më të skajshëm të frikës, duke provuar ta zvogëlojnë apo nëse është e mundur ta largojnë fare vijën ndarëse mes të vërtetës dhe fiksionit. Kemi pasur rastin të shohim shumë filma me shtriga, magji të zeza, krijesa të mbinatyrshme të cilat të tmerrojnë, ta ngrisin adrenalinën dhe jo rrallë herë edhe të bëjnë që të ngrihesh nga vendi prej frikës. Mirëpo prapë se prapë këta filma kanë arrit në pikat ku shihet qartë imagjinata e krijuesve të filmit.

witch2

Filmi The Witch nga regjisori Robert Eggers i cili edhe vet e ka shkruar skenarin, është i bazuar në përrallat dhe rrëfimet popullore. Ngjarja zhvillohet në vitet 1630 në New-England, SHBA. Bëhet fjalë për një familje të devotshme krishtere e cila nuk pajtohet me kishën lokale në të cilën kryenin shërbimet, pasi që sipas tyre edhe vet kisha ishte korruptuar. Si rezultat familja përjashtohet nga fshati dhe detyrohen të jetojnë në një vend të braktisur afër malit. Për shkak të varfërisë së madhe si dhe një viti me të korrura të dështuara, familja fillon të vë në dyshim besimin e tyre duke u bindur se Zoti i ka lënë, se djalli i ka pushtuar shpirtrat e tyre dhe kështu bëjnë përpjekje për ta gjetur “shtrigën” e cila ishte fajtorja e kësaj përmbysje.

Ajo që e bën më të veçantë këtë film nga filmat tjerë me këtë tematikë është origjinaliteti si në rrëfim ashtu edhe në realizim. Duke u nisur nga vet skenari që sipas R. Eggers në përmbajtje ka pjesë-pjesë shkëputje autentike të pandryshuara nga shkrime të vjetra, kjo e bën filmin më të kapshëm dhe më autentik. Pastaj kinematografi Jarin Blaschke tregon që xhirimet janë bërë kryesisht me ndriçim natyral. Gjuha që është përdorur në film është po ashtu në përputhje me kohën që rrëfehet ngjarja.

The-Witch-Featured

Përveç qasjes shumë njerëzore dhe reale ndaj dukurisë së “shtrigës”, ku portretizimi i shërbëtores së djallit paraqitet krejtësisht njerëzore pa hiperbola dhe efekte special, bile edhe pa grimosje e maskime çfarë do qofshin. Eggers gjithashtu mundohet që përmes kësaj familje t’i hedh në pah stereotipet e grupacioneve fetare ku në shumicën e rasteve vet qasja e tyre ekstreme është burimi i çdo të keqe, pastaj korrupsionin që ndodhë në institucionet fetare etj.

Të veçantë e bën filmin edhe aktrimi i kastit, ku vëmendje të madhe tërheq performanca e djaloshit Harvey Scrimshaw i cili më befasoi tej mase. Pastaj edhe aktorja Kate Dickie të cilën fansat e Game Of Thrones (Lysa Arryn of House Tully) do ta njohin në shikim të parë, gjithashtu ka bërë performancë mbresëlënëse. Nuk ka dyshim që edhe Ralph Ineson dhe Anya Taylor-Joy po ashtu kanë shkëlqy në rolet e tyre duke e kompletuar filmin.

Përfundimisht The Witch është një film që duhet parë nga gjithkush që i pëlqen tematikat e kulteve fetare, ritualet satanike me theks të veçantë shtrigat.

____________________

Kushtrim R. Krasniqi

Read Full Article

Komuniteti virtual i grupeve Maniake me plot krenari dhe pa rezerva e pa modesti e them që kanë arritur të ushtrojnë ndikim të madh në shoqëri, varësisht nga natyra e grupit (Filmat, Serialet, Kuzhina, Teknologjia etj). Duke e patur parasysh këtë ndikim, çdo ditë e më shumë aktivitetet tona po i bartim nga bota virtuale në atë reale me organizimin e ngjarjeve (eventeve) shoqërore.

mn1

Së fundmi në fundjavën që e lam pas, në bashkpunim me Izet Çuçulj dhe Tanju Sylejman e kemi mbajtur një mbrëmje #MovieNight, ku në zyret e Shoqërisë kulturoro artistike dhe sportive “Gerçek” është shfaqur filmi “Son of Saul”. Pavarësisht motit me shi dhe temperaturave të ulta, ambienti u bë shumë i këndshëm dhe atmosfera u krijua e tillë saqë për 107min sa zgjati filmi përjetum atë çfarë përjetuan protagonistët në film. Pas përfundimit të filmit me të pranishmit vazhdoi një diskutim i shkurtë mirëpo shumë i frytshëm dhe i këndshëm i cili arriti kulmin si dhe qëllimin e organizimit të kësaj mbrëmje – të shikojmë filma cilësor, të njihemi me njëri-tjetrin, të diskutojmë dhe t’i shkëmbejmë përvojat me njëri-tjetrin etj.

mn2

Deri më tani ky është organizimi i dytë i kësaj natyre, në Vushtrri u pritëm shumë mirë te kalaja e qytetit. Tani në Prishtinë kemi fitu përvoja të mira, kemi arritë kontakte dhe resurse të nevojshme e të mjaftueshme për të mos u ndalur me kaq. Me knaqësi të madhe ju them se nuk do të ndalemi këtu, si dhe nuk do të mjaftohemi vetëm në një qytet.

Kushtrim R. Krasniqi

Read Full Article

CEThe Celebrity Experience (shqip: ta shijosh famën) është një program që u mundëson intërpretuesve të rinj t’i shfaqin aftësitë dhe talentet e tyre për aktrim. Ky program organizon turne botërore në kërkim të talentëve të rinj, të cilët do të paraqiten tek Universal Studios në Hollywood, Kaliforni. Gjatë eventit pesë ditor, pjesmarrësit do të keni rastin me qenë pjesë e një xhirimi të shkurtër i realizuar nga regjisor të Hollywood-it për t’i provuar aftësitë e tyre në aktrim. Ngjarja do të përcillet nga drejtues të produksioneve të famshme filmike, si HBO, ABC, Nickelodeon etj.

 

Një ngjarje e tillë u organizua me datën 17 Prill edhe në Vienë të Austrisë, ku në këtë ngjarje morën pjesë rreth 500 veta. Sido qoftë garën e kaluan diku rreth 15 deri 20 veta, ku në këtë mes fitues doli të jetë edhe kosovari Fatlum Rexhepi.

LumiFatlumi, 20 vjeçari i cili bëri transfer nga fakulteti i Prizrenit në atë të Vienës gjatë verës 2015, së fundmi u bë i famshëm në një klub ku organizohen “Stand-up Comedy”. Me shakat e tij ai po pëlqehet shumë nga austriakët, ku për një kohë të shkurtë siç na rrëfen ai, është duke performuar në pesë klube të qytetit.

Kandidatët e The Celebrity Experience do të nisen për në SHBA në fillim të muajit Qershor. Kosova edhe kësaj radhe do ta ketë “ambasadorin” e vet në njërën nga studiot e filmit më prestigjioze në botë.

Read Full Article

Makinat e kërkimit janë dizajnuar mjaft mirë për t’kërkuar gjithçka që keni nevoj në internet. Prap se prap ka raste kur deshirojmë diçka mirëpo Google nuk na i sjell rezultatet të cilat i kërkojmë. Në raste të tilla do t’ju paraqesim disa truke se si të googlliratni më mirë, gjithashtu të njejtat truke funksionojnë edhe në makina tjera kërkuese si Yahoo, Bing etj.

  1. Fraza e saktë

1

Mënyra më e thjeshtë dhe më efikase për t’kërkuar diçka në internet është kur e dini emrin apo frazën e sakt që dëshironi ta kërkoni dhe e fusni atë nën thonjëza. Psh., nëse e shkruani vetëm Maniakë t’filmit Google do t’ju shfaqë rezultate të cilat përmbajnë togfjalëshat <Maniakë> dhe <t’filmit>. Mirëpo, nëse i fusim nën thonjëza “Maniakë t’filmit” atëherë si rezultat do t’na shfaqen ato faqe të cilat i kanë diku në faqe në renditje të sakt sipas asja që e kemi shkruar.

  1. Përjashto shprehjet

2
Nëse keni bërë kërkimin me fjali të sakt mirëpo keni marr rezultate të shumta të cilat nuk ju hyn në punë, përjashto ndonjë shprehje e cila do t’i filtronte vetëm ato rezultate që ju interesojnë. Nëse bëni kërkim “Leonardo DiCaprio” –oscars do t’i gjeni ato rezultate të cilat nuk përmbajnë askund termin “Oscars”.

  1. Kushti “OR” – OSE

3
Nëse kërkoni diçka mirëpo nuk ju kujtohet se si shkruhet sakt, po që se i vendosni dyjat në kutinë e kërkimit Google do t’ju sjell rezultate për të dyja shprehjet. Që ta evitoni këtë problem, mund ta përdorni kushtin OR (nga Anglishtja: ose) e cila do t’i sjell rezultatet që në përmbajtje e kanë njërën apo tjetrën shprehje.

  1. Kërkimi me sinonime

4
Nëse kërkoni diçka miërpo nuk jeni të sigurt se si ta definoni atë, përdorimi i sinonimit do t’ju hyn në punë shumë. Nëse psh. ju vendosni të kërkoni diçka me fjalën “ninja” dhe si sinonim e vendosni “games”, rezultatet do të kthehen për ninja dhe games sikur përdoruasi t’i ketë kërkuar të dyja për njëherë.

5.  Kërko brenda faqes

5

Makinat kërkuese të shumë webfaqeve janë shumë të varfër. Mund të kërkoni në Google duke e përdorur domain-in e tyre si kufizim. Nëse kërkoni site:maniakat.com pastaj shënoni atë çka kërkoni, do të gjeni rezultate vetëm të faqës maniakat.com. Nëse i kombinoni kërkesat e ndryshme si kërkim, rezultati do t’jetë edhe më i sakt.

 

  1. Fuqija e yllit *

6

Ylli është një mjet shumë i fuqëshëm kur e përdorni në makinën kërkuese ose në pyetësor (querry). Mund ta përdorni kur ju mungon ndonjë karakter, fjalë apo një pjesë e fjalës, e cila është shumë e përdorshme për ta kompeltuar frazën, ose nëse jeni duke kërkuar ndonjë artikull dhe nuk keni definuar shumë fraza. Nëse do të kërkoni fjalën architect* makinat kërkuese do t’ju sjellin rezultatet ku gjendet fjala “architect”, mirëpo gjithashtu edhe architectural, architecting dhe çdo fjalë tjetër që ka si parashtesë fjalën “architect”.

  1. Kërkimi në mes të dy vlerave

7

Kur kërkoni ndonjë gjë e cila gjendet mes dy vlerave psh. ndonjë ngjarje mes dy periudhave kohore, atëherë është gjë e mençur që t’i përcaktoni vlerat e kufive duke përdorur veglën e definuar me dy pika dhe një hapsirë.

  1. Kërkoni fjalë në përmbajtje të faqes, titull apo në URL

8

Nëse ju duhet ndonjë tekst që gjendet Brenda një URL linku të faqes, në trup apo titull, atë mund ta bëni përmes veglave “inurl:” “intext:” apo “intitle:” Përdorimi i njërës do të sjell rezultatin specifik të cilin e keni kërkuar. Psh., intitle:recensim do t’i sjell rezultatet ku në titull e kanë fjalën “recensim”.

  1. Kërkoni faqe të ngjashme

9

Vegla ‘related’ është shumë e dobishme kur kërkoni faqe me përmbajtje apo natyrë të ngjashme. Nëse kërkoni related:imdb.com Google do t’ju sjell rezultate që i çmos si të ngjashme me imdb.com.

  1. Kombinoni të gjitha

10

Të gjitha veglat e kërkimit mund të kombinohen që ta zgjeroni kërkesën tuaj. Ndoshta disa prej tyre përdoren shumë më rrallë se të tjerat, mirë është që t’i njihni ato ashtu që mund t’i kombinoni.

Për deri sa Google dhe makiniat tjera kërkuese po zhvillohen dita e ditës me mbledhjen e të dhënave se si përdoruesit në mënyrë të natyrshme kërkojnë apo i shqiptojnë kërkimet e tyre, këto velga të fuqishme dita ditës do të bëhen të panevojshme. Sido qoftë për momentin janë më se të nevojshme dhe nëse dini t’i përdorni ashtu siq duhet, do të keni punë shumë më të lehtë kur kërkoni diçka në internet.

_____________________

Kushtrim R. Krasniqi

Read Full Article

Nata e parë e festivalit Film Flaka e cila siq dihet është pjesë e Flakës së Janarit, u prit shumë mirë dhe me një interes të madh nga qytetar dhe mysafir të vendeve të ndryshme. Duke qenë se qyteti i Gjilanit është pa kinema që nga lufta e fundit në vend, një festival i filmit i cili ofron veprat kinematografike shqiptare të vendit dhe rajonit është më se e nevojshme dhe shumë e mirëseardhur.

Pas fjalimit të kryetarit të komunës së Gjilanit Lutfi Hazirit si dhe fjalën përshëndetëse dhe falenderuese të organizatorëve, në emër të së cilëve foli Burim Baftiu, natën e parë e hapi filmi “Balcony” nga Lendita Zeqiraj. Me një kast shumë të mirë, skenar origjinal dhe kinematografi të bukur ku xhirimi ishte me një sekuencë të vetme pa prerje, filmi “Balcony” ishte vërtetë një vepër shumë e spikatur për ta filluar natën e parë të festivalit të filmit.

“Heshtja” nga Bekim Guri ishte filmi i dytë me radh që u shfaq, një dramë psikologjike e cila vërtetë na bëri të gjithve të heshtnim disa qaste edhe pas përfundimit të filmit i cili zgjati gjithsej katër minuta.

Filmi “My City Screams” nga Ibër Deari e gjallëroj masën me një aksion shumë interesant, efekte speciale të cilat na dhuruan adrenalinë si dhe aktrimi fenomenal të aktorëve. Vlenë të ceket gjithashtu se muzika e filmit ka qenë një përzgjedhje fenomenale e cila vetëm se ja shton madhështinë filmit.

Nga Shqipria mëmë erdhi filmi “Tre” i regjisorit Arijan Dalladaku me një kinematografi shumë të bukur dhe një rrëfim interesant kur kryqëzohen rrugët mes një politikani dhe një krimineli.

“Sonata” nga regjisori Durim Kryeziu ishte edhe filmi i fundit që e mbylli natën e mbrëmshme të Film Flakës, film ky që gjithashtu karakterizohet me një kinematografi të bukur, ku skenari trajton gërshetimin e botëkuptimeve të ndryshme mes gjeneratave ndaj dashurisë.

Natën e dytë pritet të shfaqen filmat “Kolona” nga Ujkan Hysaj, “Dita e pensionimit” të Fisnik Mujit, “Capsule” të Irdit Kasos, “Era” të Besim Ugzmajlit “Hekurishtja” e Burim Halitit si dhe “Vllau jem” nga Burim Baftiu.

Read Full Article

Manifestimi kulturor “Flaka e Janarit” në Gjlan sivjet shënon përvjetorin e 25-të, e cila njëherit edhe i hapë dyert filmit shqiptar, një fillim ky i rëndësishëm për rikthimin e kulturës së filmit dhe kinemas në këtë qytet. Për herë të parë në kuadër të këtij manifestimi kulturor do të mbahet edhe Festivali i Filmit që është quajtur “Film Flaka”. Këtë edicion do ta hapë filmi “Ballkoni”, i regjisores kosovare Lendita Zeqiraj, transmeton KultPlus.

Janë gjithsej katërmbëdhjetë filma të metrazhit të shkurtë në programin e Festivalit të Filmit “Film Flaka”, të cilët do të shfaqen me datat 13, 14 dhe 15 janar. Filmi “Ballkoni”, me regji të Lendita Zeqiraj do të hapë këtë festival që konsiderohet të jetë i pari në kuadër të Manifestimit Kulturor “Flaka e Janarit”, në Gjilan. Përgjatë tre ditëve në këtë festival do të prezantohen edhe filmat: “Heshtje” me regji të Bekim Gurit, “My City Screams” me regji të Ibrahim Dearit, “Tre” i Arijan Dalladakut, “Sonata” i Durim Kryeziut, “Kolona”, i Ujkan Hysaj “Dita e Pensionimit” Fisnik Muji “Capsule” Irdit Kaso, “Era”, Besim Ugzamjli, “Hekurishtja” Burim Haliti, “Vllau jem” Burim Baftiu, “The Seed” Gëzim Ramazani, “Balkan” Kirks Dumo e “Qyteti i Zi”, Dibran Fylli”.

Sipas organizatorëve bëhet e ditur se përgjatë këtij festivali do të realizohen edhe filma brenda 48 orëve sa do të zgjasë edhe festivali, transmeton KultPlus.

Read Full Article